有日喺診所同大家姐趁冇人睇症，坐咗喺度食早餐～
食到一半，有位女士入嚟，咁啱就望到大家姐咬住塊香脆可口人見人愛吉烈豬扒…
女:乜一早食啲咁油膩嘅嘢呀？
…閣下嫌命長嗎？關心大家姐做乜呢？
大家姐沉住氣緩慢地放低塊豬扒:睇醫生呀？覆診卡呀！
女士放低覆診卡後，行咗去個磅度，一邊移動個秤，一邊講:唉，肥咗啲啦，以後食清啲算啦，啲嘢白烚算啦，我唔想變到咁肥囉！
我唔想變到咁肥囉！ 我唔想變到咁肥囉！ 我唔想變到咁肥囉！ 我唔想變到咁肥囉！ 我唔想變到咁肥囉))))))呢句說話，我同大家姐都聽咗入耳，再不停來回反彈…我諗我要匿埋先…餐蛋治，follow me！gogogo～
大家姐:油都冇滴，因住便秘呀！
女:便秘都好過肥呀！肥騰騰油淋淋係人見到都唔開胃啦…
大家姐:得棚骨咁又好開胃呀？
女:好過你哋咁囉…
大家姐不自覺地心口擺咗上枱:去p大對波同個籮啦，冇波又冇籮！
我拿拿聲食完份餐蛋治，諗住做和事佬:唔好講啦唔好講啦一人少句啦，百貨應百客嘛，你有你嘅肉感，佢有佢嘅骨感～好小事啫！肥啲有乜所謂呀，好揸手嘛！
…我頭先講咗乜話？肉…感…肥…揸…手…
呀！啊！呀！啊！呀！啊！呀！啊！呀！啊！呀！啊！呀！啊！呀！啊！呀！啊！呀！啊！呀！啊！呀！啊！呀！啊！呀！啊！呀！啊！呀！啊！呀！啊！呀！啊！呀！啊！呀！啊！
我唔係咁嘅意思呀！
女士應該見到唔對路冇再出聲，但係我…
地球嘅地心吸力，宇宙間嘅萬有引力，再加埋敵人嘅體重乘2嘅 turbo...嗰日我全日都好唔平安…麻煩各位以後去診所唔好刺激啲姑娘，please！
Search